سلطنت عثمانیہ کے آخری بااختیار خلیفہ عبد الحمید ثانی

سلطنت عثمانیہ کے آخری بااختیار خلیفہ عبد الحمید ثانی نے 1876ء میں 31 اگست کو تخت سنبھالا اور اس کے ساتھ ہی اصلاحات اور جدیدیت کے ایک شاندار دور کا آغاز ہوا جس کے اختتام کے ساتھ ہی عثمانیوں کے اثرورسوخ کا بھی خاتمہ ہوا۔
سلطان عبد الحمید کے عہد کا سب سے بڑا کارنامہ استنبول سے مدینہ منورہ تک ریل کی پٹڑی بچھانا تھا جسے 'حجاز ریلوے کا نام دیا گیا تھا۔ اس سے دارالسلطنت اور دیگر شہروں سے حج بیت اللہ کے لیے سفر میں زبردست آسانیاں پیدا ہوئیں۔
یہودیوں کی اس بدنام زمانہ پیشکش کو ٹھکرانے والے بھی سلطان عبد الحمید ہی تھے کہ اگر فلسطین یہودیوں کو دے دیا جائے تو وہ سلطنت عثمانیہ کا تمام قرضہ اتار دیں گے۔ اس موقع پر سلطان کی جانب سے ادا کیے گئے کلمات آج بھی تاریخ میں محفوظ ہیں کہ "میں سرزمین فلسطین کا ایک انچ بھی یہودیوں کو نہیں دوں گا کیونکہ فلسطین میرا نہیں بلکہ امت کا ہے اور امت نے اس سرزمین کی حفاظت کے لیے اپنا خون بہایا ہے"
1909ء میں اس حکومت کا خاتمہ کر دیا اور یوں عثمانیوں کا اثرورسوخ ہمیشہ کے لیے ختم ہو گیا یہاں تک کہ 1924ء میں خلافت کا بھی خاتمہ ہوگیا۔ !